قهـــوة الجمعـــــاوية ترحب بكـــــــــــــــــــم
أيوة جاااااااااااااااااااااااااااااااااااى
وعندك واحد مدونة جديدة وصلحه
الاسم / سلكاوى
الوظيفة / قهوجى
السن/ بيقولوا إن عندى 28سنة
الشكل / وسامة غير عادية
فى البداية أحب أرحب بكل المدونين والمثقفين اللى مشرفنى وإن شاء الله نكون خفاف عليكم المهم اللى هيشرب حاجة ياريت ما ينساش الحساب و الشكك ممنوع لعدم الاحراج
وعلى فكرة قهوة الجمعاوية دى بقة من احلى القهاوى اللى اشتغلت فيها عشان مبيقعدش عليها غير المثقفين والعباقرة والفنانين ورجال الادب يعنى بالعربى مفيش غيرى اللى مش متعلم فيهم لكن احلى حاجة انى بتعلم منهم ازاى اغير نفسى للاحسن يعجبنى قوى دكتور حر وميخا وجمعاوى وكتير منهم المهم عايزين نتعاون مع بعض وتعلمونى حاجة
ايوة جاااااااااااااااااااااااااااااااااااااى
اسيبكم بقة عشان الزباين بدات بتهل على القهوة اه قبل ما انسى .. ان شاء الله فيه افتتاح كبير قوى للقهوة ياريت بقة تشرفونا انا عايز التهانى ترخ عليه والبرقات وكل اللى عنده حاجة حلو يظبطنى
ايوة جاااااااااااااااااااااااااااااااااااااى
6 comments:
ألف مبروك الافتتاح يا سلكاوي
وأول تعليق ده أكيد مشروبات مجانيه ليجي سنه كده ولا حاجه
موفق ان شاء الله
بمناسبة الافتتاح بحب أعطي لأي وافد لعالم التدوين المقاله دي
هي قديمه بس شغاله
ربنا يوفقك ويكرمك يا سلكا
التعديلات التدوينية
ايه دة يا جدعااااااااان
هو اللى بنعمله فى الناس هايطلع علينا و لا إييييييييييييه
شكلنا كدة هانقطع على بعض .. و أحسن لك نقسم المنطقة بينا عشان ما نخبطش فى بعض .. و يا ريت تاخد قهوتك دى و تبعد بعيد عن قهوتنا
انت مش عارفنى و لا إيه .. معاك أبو العساقيل القهوجى .. شغال فى قهوجى فى استراحة الكاشفة .. و اوعى من معلمى الباحث عن الحقيقة .. لاحسن دة راجل صعيدى و شرانى .. أنا حذرتك .. و قد أزعر من بعجر
يا عم الف مبروك المدونة الجديدة .. قصدى القهوة الجديدة .. ربنا يجعلها فاتحة خير عليك يا برنس .. و مرحب يا زميل المهنة .. و يبدو كدة إن القهوجية زادوا و شكلنا كدة هانعمل نقابة للقهوجية .. بس انت قول يا رب
سلام بقى عشان رايح أسيأ القهوة
حبيبى ياعسقل والله متعرفش انا فرحان قد ايه بزيارتك دى وان شاء الله يكون ما بينا كلام كتير ومتقلش انا قنوع جدا وعارف ان رزقى مضمون عند ربنا فلا هنقطع ولا حاجة وبعدين هيه العين تعلا على الحاجب
متشكرين جدا جدا يا دكتورنا ده شرف كبير قوى ليه انك تشرفنى فى قهوتى بس كده برده تيجى وتمشى بسرعة مش كنت قعدت تشرب حاجة والله اللى منعنى عنك شديد قوى شوفت اللى حصل فى غزة احنا عايزين نعمل حاجة يا دكتور مش لازم نسكت عايزين نفكر مع بعض
سلكاوى القهوجى
مبروك ع المدونة
والمفروض نجرب كل المشاريب الاول ببلاش علشان لو عجبنا نيجي تاني
مع ان محدش له نفس يشرب حاجه
اقولك بالنسبه لغزة
جيبلينا كوباية دم
وجركن بنزين
Post a Comment