قررت النيابة العامة استمرار حبس الاستاذ ياسر عبد الرافع 15 يوم على ذمة والله ما انا عارف اكتب ايه لان رئيس النيابة ذات نفسه مش عارف غير التعليمات واتحدد له عرض يوم 29 /3/2008
Sunday, March 16, 2008
Tuesday, February 26, 2008
رسائل ابناء المعتقلين فى المحاكمة العسكرية
قرَّرت اليوم المحكمة العسكرية العليا بالهايكستب تأجيلَ الحكم في القضية العسكرية التي يُحاكَم فيها 40 من قيادات الإخوان، على رأسهم المهندس خيرت الشاطر النائب الثاني للمرشد العام إلى يوم 25 مارس المقبل.
مش هتكلم المرده دى انا بس هاعرضلكم بعض رسائل ابناء اخوانا المعتقلين فى هذه المحاكمة
امشي في طريق الخير.." هذه هي العبارة التي استهلَّ بها معاذ أحمد شوشة (11 سنة) رسالته إلى رئيس المحكمة، ثم تابع حديثه قائلاً: "بلاش تروح النار، أنا صحيح صغير لكن كل اللي كنت باسمعه في المحكمة من المحامين بيأكد أن بابا والناس اللي معاه معملوش حاجة غلط، كل كلمة معناها أنهم أبرياء من التهم اللي حبسوهم بسببها، وأنا متأكد أن أنت كمان يا سيادة القاضي عارف ومتأكد أنهم أبرياء، وبأتمنى أنك تكون عندك الشجاعة أنك تقول كلمة الحق وتحكم بالحق"، واستشهد بقول الله تعالى: (وَلا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ (42)) (إبراهيم).
وناشد معاذ القاضي بقوله: "القضية دي اتظلم فيها 40 واحد، بلاش تاخد وزر وذنب الأربعين دول كلهم، ده انت لو ظلمت واحد بس ممكن ما تعرفش تنام بالليل، إمَّال لو ظلمت العدد ده كله حتهرب منهم فين يوم القيامة؟!".
وناشد معاذ القاضي بقوله: "القضية دي اتظلم فيها 40 واحد، بلاش تاخد وزر وذنب الأربعين دول كلهم، ده انت لو ظلمت واحد بس ممكن ما تعرفش تنام بالليل، إمَّال لو ظلمت العدد ده كله حتهرب منهم فين يوم القيامة؟!".
وباقى الرسائل هتشوفوها على الرابط ده
Saturday, February 16, 2008
إلا النبى محمد
فداك ابى وامى يا رسول الله
ايوى جاااااااااااااااااااااااااى
كلاكيت تانى مرة إهانة والمسلمين نايمين .. انا مستغرب والله يا جدعان مفيش حد اتكلم ولا سمعنا حد بيقول اى حاجة هوه فيه ايه الناس باين لها خددت على الاهانة
مهو صحيح ليه نزعل من الاهانة من الدانمارك واحنا كل يوم بنتهان الف مره .. فى طبور العيش زل واهانة .. فى المواصلات برده اهانة .. بطايق التموين اهانة .. وغيره وغيره ...
بصراحة نفسى اسمع رايكم ليه الدنمارك اهانة الرسول صلى الله عليه وسلم تانى !!!!!!!!!!!!!!!!!؟؟
والمرة دى كل الصحف نشرت مش صحيفة واحدة .. !! يعنى متعمدين بقه يهينوا رسولنا صلى الله عليه وسلم اتمنى اسمع رايكم ولو فيه اى فعاليات ياريت تبلغونى بيها..
ايوى جااااااااااااى
Wednesday, February 13, 2008
والله وخربوها الرجالة
ايوى جاااااااااااااااااااااااااااااااااااااااااااى
والله وخربوها الرجالة
عمـــــــــــــــــــــــــــــــــار يا بلد .. خراب يا حكومة
اغرب حاجة شفتها اليومين دول اللى حصل امبارح فى قرية الملقة النموذجية بالبحيرة حصل حاجات تشيب منها الراس وقبل ما احكى اللى حصل احب اقول لكل الدكاترة والاساتذة دى وجهة نظر واحد بسيط يمكن توكن صح ويمكن غلط المهم ..
الزمان : 12/2/2008 منتصف النهار
المكان : قرية الملقة النموذجية بالبحيرة
عساكر امن مركزى تحيط بالقرية وتتقدمها الجرافات والبلدوزرات ويدعم هذا قوة غير عادية من الامن
فجاة .. انهالت هذه الجرافات على عشرات البيوت فى القرية وهدمتها عن اخرها باللى فيها والواحد بيقول الحمد لله انهم مهدوهاش على صحابها
والناس بتصرخ ايه .. فيه ايه .. ايه اللى حصل
الناس صابها ذهول مش معقول اللى بيحصل ده .!! بيوتنا يا ناس
لكن بينادوا فى مالطة . . بينادوا على قلوب ميته متشاله منها الرحمة
شوف انته لما ابنك يروح المدرسة ويجى يلاقى بيتهم بقى كوم تراب اكيد هيقول انا بحلم
والعريس اللى بقاله 6 شهور متجوز ينزل السقف على عفشه ويساويه بالارض يقول ايه
ايه اللى حصل يا مصر .. هوه احنا رخاص للدرجة دى لما تيجى قوة وتشيل بيوت الناس كده هوة
لكن انا عاوز ااقول حاجة الناس دى غلطت لما بنت على ارض زراعية بيوت تسكن فيها هيه وعيالها لما الارض تبقى ملك ورثة ويطلع نصيبى فى حته ااقوم ابنيها واصرف دم قلبى عليها والاخر يكون مصيرها كده
هوه يعنى الناس مش من حقها تغلط والحكومة والشرطة كل يوم ليهم الف غلطة وغلطة
اكمل ااقول ايه .. والله الواحد معاد له نفس يتكلم يمكن اللى مبرد نارى شوية ان الاهالى طلعوا على القوة بالجزم والتوب والحجارة والعصى خلوهم يجروا زى الفران والناس طلعوا على الطرق السريع ووقفوا الهربيات عشان حد يشفلهم حل لمشكلتهم لكن كان مصير العشرات منهم انهم اتمسكوا ودلوقتى محبوسين 15 يوم على ذمة التحقيق ده يرضى مين يا ناس ده حتى اللى هدوا بيته وهوه راجع من الشغل اخدوه طب ده لا لحق يعترض ولا قال حاجة .. البلد باظة ونظامها بقى فاشل الخلاصة انا متابع الموضوع والجديد اكيد هجيبوا بس اللى محزنى الجو سيئ جدا والناس وعيالهم قاعدين فى الشارع بعد ما اتهدت بيوتها اما القرية حتى وقتنا هذا وهى محاصرة بقوة بطول 3كيلو منر عساكر امن مركزى
ياالله خليهم ينفخونا كمان وكمان عشان نخلوها ضلمة فى الاخر
ايوى جااااااااااااااااااااااااااااااااااااااااااااااااااااااااااى
اسيبكم واروح اشوف شغلى
Sunday, February 10, 2008
ايوة جااااااااااااااااااااااااااااااااااااااااااااااى
وعندك مشاريب للقهوة كلها على حسابى
مبروك لمصر بلدنا وامنا وام الدنيا كلها
مبروووووووووووووووووووووووووووووووووووووووك لمصر
أبو تريكة .. الفنان والاكثر التزام يضع الفرحة فى قلوب كل المصرييين والعالم
ايوة جاااااااااااااااااااااااااااااااااااااااااااااااااااااااااااااااى
Subscribe to:
Posts (Atom)